ДАНҒАРА. Бо мақсади амалӣ намудани корҳои оммафаҳмонӣ миёни шаҳрвандон оид ба самаранок истифодабарии заминҳои наздиҳавлигӣ, кормандони Кумитаи иҷроияи ҲХДТ дар ноҳияи Данғара корҳои таблиғотиро пурзӯр намуда, ҳамарӯза бо сокинон вохӯрӣ доир менамоянд. Дар мулоқот масъулин вобаста ба самаранок истифодабарии заминҳои наздиҳавлигӣ, ба роҳ мондани кишти такрорӣ, зиёд намудани маҳсулоти кишоварзӣ бо мақсади таъмини амнияти озуқаворӣ ба сокинон тавсияҳо дода, таъкид менамоянд, ки ҳар як ваҷаб заминро самаранок истифода бурда, оилаи худ ва дигаронро аз молу маҳсулоти кишоварзӣ таъмин созанд.
