ХОВАЛИНГ. Бо иштироки мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳия Саидҷалол Сатторов дар муассисаи таҳсилоти миёнаи умумии № 12 бо омӯзгорон ҷиҳати риояи талаботи қонунҳои миллӣ Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” ва Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” суҳбат гузаронида шуд.
Дар суҳбат қайд гардид, ки омӯзгорон ҳамчун гурӯҳи пешқадами ҷомеа дар иҷрои қонунҳои мазкур масъулияти баландеро ба душ доранд. Онҳо метавонанд бо фаъолияти худ дар иҷрои талаботи ҳар ду қонун ва дигар санадҳои меъёрию ҳуқуқӣ саҳм дошта бошанд.
