КӮЛОБ. Нимаи дуюми рӯз бахшида ба 76-солагии Иди Ғалаба шуъбаи кор бо ҷавонони Кумитаи иҷроияи ҲХДТ дар шаҳри Кӯлоб дар Муассисаи таҳсилоти миёнаи умумии №4-и Кӯлоб дар мавзӯи “Арҷгузорӣ ба далериву корнамоиҳои фарзандони бонангу номуси миллат” озмуни иншои озод ташкил ва баргузор карда шуд.
Зикр гардид, ки озмуни мазкур бо мақсади арҷгузорӣ ба далериву корнамоиҳои фарзандони бонангу номуси миллат бахшида ба 76-солагии Иди Ғалаба роҳандозӣ гардида, миёни донишҷӯёни коллеҷу литсейҳо ва хонандагони муассисаҳои таҳсилоти миёнаи умумӣ давра ба давра баргузор карда мешавад.
