НОРАК. Бо ибтикори Кумитаи иҷроияи шаҳри Норак дар китобхонаи марказии шаҳр бахшида ба сазовор таҷлил намудани 76- солагии Ғалаба дар Ҷанги Бузурги Ватанӣ мизи мудаввар бо иштироки собиқадорони башардӯст ва ҷалби хонандагони синфҳои болоии мактабҳои таҳсилоти миёнаи умумӣ дар мавзӯи “Саҳми фиристодагони Тоҷикистон дар таъмини Ғалаба” доир карда шуд.
Аъзои намояндагии ТҶҶ “Созандагони Ватан” аз муассисаи таълимии №1 дар бораи таърихи Ҷанги Бузурги Ватанӣ ва фиристодагону фарзандони шуҷои шаҳри Норак, ки саҳми худро дар Ғалаба бар фашизм гузоштанд, маълумот доданд.
