ДАНҒАРА. Аз ҷониби кормандони Кумитаи иҷроияи ҲХДТ дар ноҳияи Данғара бо мақсади татбиқи дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба оқилонаю самаранок истифода бурдани ҳар як ваҷаб заминҳои наздиҳавлигӣ ва ба роҳ мондани кишти такрорӣ, ки аз он ду- се ҳосил дар як сол рӯёнида мешавад, бо сокинони деҳаи Баҳори ҷамоати деҳоти Оқсу суҳбатҳо гузаронида шуд. Дар суҳбаташон масъулин ҷиҳати захираи маҳсулоти кишоварзӣ барои ду соли оянда ба сокинон тавсияҳо дода, онҳоро таъкид карданд, ки ҳар порча замини дарихтиёрдоштаи хешро самаранок истифода намоянд.
