ЁВОН. Бо пайравӣ аз сиёсати башардӯстонаи Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон бо саҳми соҳибкорони ҳудуди ҷамоати деҳоти Обшорон дар арафаи моҳи шарифи Рамазон ба 315 оилаҳои ниёзманди ҳудуди ҷамоат ба маблағи 153000 сомонӣ кумакҳои яквақтаина расонида шуда, кумакҳо иборат аз орд, равған, биринҷ, шакар, макарон, картошка, пиёз ва ғайраро ташкил медиҳад. Иқдоми мазкур бо ташаббуси раиси ташкилоти ибтидоии Ҷамоати деҳоти Обшорон Абдукаримов Нуриддин роҳандозӣ гардидааст. Ҳамзамон, тасмим гирифтаанд, ки давоми моҳи мазкур ба 100 нафар оилаҳои ниёзманди дигари ҳудуди ҷамоат кумакҳои молӣ расонанд.