ҚУБОДИЁН. Дар асоси дастуру супоришҳои мақомоти болоии ҲХДТ масъулини Кумитаи иҷроияи ноҳиявии ҳизб дар кӯчаву маҳаллаҳои ҳудуди ҷамоатҳои деҳоти ба номи Ишмурод Ниёзови ноҳияи Қубодиён ҷиҳати ба дарки мардум расонидани истифодаи самаранок истифода намудани ҳар як порча замин бо мақсади расидан ба яке аз ҳадафҳои стратегии кишвар-таъмини амнияти озуқаворӣ корҳои фаҳмондадиҳиро бо усули «хона ба хона» ба роҳ монданд.
Намояндагони ҳизбӣ дар корҳои тарғиботӣ аз заминҳои наздиҳавлигии сокинон дидан карда, бо онҳо барои истифодаи оқилона истифода бурдани ҳар порчаи замин суҳбату мулоқотҳо анҷом доданд. Аз корҳои тарғиботӣ мушоҳида гардид, ки сокинони ноҳияи Қубодиён дастуру супоришҳои Раиси муаззами ҲХДТ муҳтарам Эмомалӣ Раҳмонро сармашқи кори худ намуда, ҳар як порча замини дар ихтиёрдоштаашонро самаранок истифода бурда истодаанд.
