Ҷ.БАЛХӢ. Бо иштироки масъулини Кумитаи иҷроияи ҲХДТ дар Ҷалолиддини Балхӣ дар ҷамоати шаҳраки Балхи ноҳияи Ҷалолиддини Балхӣ корҳои фаҳмонидадиҳӣ сари саҳрогӣ гузаронида шуд.
Дар суҳбатҳои рӯ ба рӯ масъулини Кумитаи иҷроия оид ба пешгирӣ аз бомориҳои сироятӣ, самаранок истифодабарии қитъаҳои заминҳои наздиҳавлигӣ ва президентӣ, оид ба кишти такрорӣ ва истеҳсоли маҳсулоти хушсифат, инчунин омода кардани банкаҳои консерва аз мевагӣ ва сабзавот ибрози андеша намуданд. Аз ҷумла иброз доштанд, ки ҳар як ваҷаб заминро бояд самаранок истифода бурда кӯшиш кунем, то ки дар як сол то се- чор ҳосил ба даст оварем. Аз ҷониби масъулин доир ба даст овардани ҳосилнокии замин ва маҳсулоти хушсифат баъзе маслиҳатҳои муфид дода шуд.
