ФАРХОР. Бо иштироки раиси Кумитаи иҷроияи ҲХДТ дар ноҳияи Фархор Назарзода Алӣ Исмон курси омӯзишӣ барои аъзои намояндагии ТҶҶ “Созандагони Ватан” дар Кумитаи иҷроия баргузор карда шуд.
Зимни баргузории дарси мазкур номбурда атрофи мавзӯи “Ташаккули тафаккури миллӣ” ибрози андеша намуда, қайд кард, ки мақсад аз баргузории чунин курси омӯзишӣ такмил додани дониши сиёсии ҷавонон, аз даст надодани ҳушёриву зиракии сиёсӣ, арҷ гузоштан ба муқаддасоти миллӣ, огоҳи пайдо кардан аз таърихи ниёгон ва расидан ба қадри Истиқлолу Ваҳдати миллӣ мебошад. Ҳамзамон дар давоми дарс Назарзода Алӣ ба саволҳои ҷавонон посухҳои аниқу дуруст гардонид.
