ПАНҶ. Дар муассисаи таҳсилоти миёнаи умумии №2 –и ноҳияи Панҷ бо иштироки мудири шуъбаи маорифи ноҳия Шарофиддин Асомиддинзода, масъулини Кумитаи иҷроияи ҲХДТ дар ноҳияи Панҷ ва роҳбарони муассисаҳои таҳсилоти миёнаи умумии ноҳия маҳфили адабӣ бахшида ба 110-солагии Қаҳрамони халқи тоҷик устод Мирзо Турсунзода баргузор гардид.
Саравал Шарофиддин Асомиддинзода аз ҳаёт ва фаъолияти Қаҳрамони халқи тоҷик устод Мирзо Турсунзода сухан ронда, ба чорабинии фарҳангӣ ҳунси оғоз бахшид. Зимни баргузории чорабинии мазкур хонандагон аз ашъори шоир шеърҳо қироат намуда, сурудхонӣ карданд.
