ҶАЙҲУН. Бо мақсади пешгирии бемории сироятии коронавирус ва оқилона истифодабарии ҳар як қитъа замини наздиҳавлигӣ ва хоҷагиҳои ёрирасони шахсӣ масъулини Кумитаи иҷроияи ҲХДТ дар ноҳияи Ҷайҳун дар ҳамдастӣ бо кормандони Мақомоти иҷроияи маҳаллии ҳокимияти давлатии ноҳия дар деҳаи Тоҷикистони Ҷамоати деҳоти Қумсангир бо усули “хона ба хона” гардиш доир намуда, аз вазъи истифодаи самараноки заминҳои наздиҳавлигӣ ва гармхонаҳояшон дидан карданд.
Масъулин зимни вохӯрӣ оид ба масъалаи таъмини амнияти озуқаворӣ, самараноку оқилона истифода намудани қитъаи замини наздиҳавлигӣ, хоҷагиҳои ёрирасони шахсӣ рӯёнидани ду-се маротиба ҳосили зироатҳо, захираи дусолаи маводи ғизоӣ суҳбат намуда, иброз доштанд, ки мо бояд тозагиву қоидаҳои беҳдоштиро ҷиддан риоя намоем.
