ХУРОСОН. Дар ҷамоати деҳоти ба номи С. Айнӣ корҳои ободонӣ, аз ҷумла шинонидани гулҳои ороишӣ дарахтони ороишию ҳамешасабз ва гулҳои рангоранг, ки симои як гӯшаи диёрро ба кулли тағйир медиҳад, гузаронида шуд.
Дастуру ҳидоятҳое, ки Пешвои миллат муҳтарам Эмомалӣ Раҳмон ҷиҳати созандагию ободонӣ ба истиқболи 30-солагии Истиқлолияти давлатии Ҷумҳурии Тоҷикистон ба мардуми кишвар додаанд, имрӯз барномаи амалӣ ҳар фарди бо нангу ори ҷумҳурӣ гаштааст. Корхои ободонӣ дар ҷамоатҳои шаҳраку деҳоти ноҳия муташаккилона идома дошта, сокинон дар ин иқдомҳои нек сазми арзандаи хешро мегузоранд.
