КУШОНИЁН. Бо мақсади иҷрои банди 34-и нақшаи чорабиниҳои Кумитаи иҷроияи ҲХДТ дар вилояти Хатлон оид ба амалӣ намудани дастуру супоришҳои Асосгузори сулҳу ваҳдати миллӣ, Пешвои миллат, Раиси муаззами ҲХДТ муҳтарам Эмомалӣ Раҳмон дар Маҷлиси Кумитаи Иҷроияи Марказии ҲХДТ оид ба ташкили суҳбату вохӯриҳо бо ҷавонон дар муассисаҳои таълимӣ таҳти унвони "Пайравони Пешвои миллатем" бо мақсади ташаккули ҳисси худшиносӣ ва ватандӯстӣ, кормандони Кумитаи иҷроияи ҲХДТ дар ноҳияи Кушониён бо хонандагони синфҳои 11 дар муассисаи таълимии рақами 39 мулоқот доир намуданд.
Дар мулоқот масъулин моҳияти суханрониҳои Пешвои миллатро дар самти таълиму тарбияи дурусти насли наврас шарҳу тавзеҳ дода, онҳоро ҷавобан ба ғамхориҳое, ки нисбати ҷавонон зоҳир мешавад, ба таҳсили хубу аъло, навовариву ихтироъкорӣ ҳидоят карданд.
