ШАҲРИТУС. Бо иштироки кормандони Кумитаи иҷроияи ҲХДТ дар ноҳияи Шаҳритус соати сиёсӣ дар мавзӯи “Душанбе-пойтахти фарҳангии Иттиҳод- 2021” дар як қатор ташкилотҳои ибтидоии ҳизбӣ, аз он ҷумла дар Ҷамоати шаҳраки Шаҳритус, Ҷамоати деҳоти ба номи Х.Холматов ва Ҷамоати деҳоти Обшорон бо иштироки собиқадорони ҳизб, раисони ташкилотҳои ибтидоии ҳизбӣ, ҷавонону фаъолон ва дигар шахсиятҳои расмӣ суҳбатҳо баргузор гардид. Масъулин дар рафти суҳбатҳо дар бораи пешрафту тараққиёти Ватан, сиёсати ободкоронаи Раиси муаззами ҲХДТ муҳтарам Эмомалӣ Раҳмон ва эълон гардидани “Душанбе-пойтахти фарҳангии иттиҳод -2021” андешаронӣ карда, заҳматҳои беназири Пешвои миллат ва раиси шаҳри Душанбе муҳтарам Рустами Эмомалиро шоистаи таҳсин хонданд.
