ВОСЕЪ. Оид ба масъалаҳои коҳиш додани таъсири омилҳои беруна ба иқтисодиёти мамлакат, вусъати кишту кори баҳорӣ, истифодаи самараноки заминҳои наздиҳавлигӣ ва президентӣ, истеҳсолу захираи кофии маводи хӯрокворӣ, омодагии ҳамаҷониба ба давраи тирамоҳу зимистони солҳои 2021-2022, вусъати корҳои созандагию ободонӣ ба истиқболи ҷашни 30-солагии Истиқлолияти давлатии Ҷумҳурии Тоҷикистон, риояи қоидаҳои санитарию беҳдоштӣ дар давраи пандемияи ҷаҳонӣ, татбиқи ҳатмии қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд” кормандони Кумитаи иҷроияи ҲХДТ дар ноҳияи Восеъ бо фаъолони ҷамоати деҳоти ба номи Абдӣ Авазов вохӯрӣ анҷом доданд.
Дар рафти вохӯрӣ дастур ва супоришҳои роҳбарияти ҳизб расонида шуда, аз ҳайати гурӯҳи корӣ дар маҳалҳо хоҳиш карда шуд, ки шаҳрвандонро бештар ба самаранок истифодабарии замин ва иҷрои корҳои ободонию созандагӣ ҷалб намоянд.
