ВАХШ. Бо мақсади дар сатҳи баланди ташкилӣ таҷлил намудани Рӯзи пойхати Ҷумҳурии Тоҷикистон – шаҳри Душанбе, бо ибтикори Кумитаи иҷроияи ҲХДТ дар ноҳияи Вахш, силсилаи чорабиниҳои гуногуни фарҳангию сиёсӣ баргузор гашта истодааст.
Бахшида ба ин рӯз дар Кумитаи иҷроияи ҲХДТ дар ноҳияи Вахш, бо иштироки занону ҷавонон ва аъзои намояндагии ТҶҶ «Созандагони Ватан» мизи мудаввар доир гардид.
Дар баргузории мизи мудаввар вакили Маҷлиси вакилони халқи ноҳияи Вахш, Нодирова Зебонисо, мудири бахши кор бо ҷавонон ва варзиши ноҳия Шарифзода Суннатулло ва мудири шуъбаи кор бо ҷавонон ва занони Кумитаи иҷроияи ҲХДТ дар ноҳияи Вахш Салимова Сабоҳат иштирок дошта, ҷиҳати рӯз аз рӯз ободу зебо гаштани ин шаҳри орзуҳои миллати тоҷик суҳбатҳои судманд анҷом доданд.
