ДАНҒАРА. Бо мақсади бурдани корҳои фаҳмондадиҳӣ миёни омӯзгорону донишҷӯёнӣ Муассисаи таълимии литсейи касбии техникии ноҳияи Данғара бо иштироки кормандони Мақомоти иҷроияи ҳокимияти давлатии ноҳия, Кумитаи иҷроияи ноҳиявии ҳизб хониши сиёсӣ баргузор гардид.
Дар хониши сиёсӣ раиси Кумитаи иҷроияи ҲХДТ дар ноҳияи Данғара Каримзода Пирмуҳаммад Афғон, мудири шуъбаи кор бо занон ва оилаи Мақомоти иҷроияи ҳокимияти давлатии ноҳия Сайфуллоева Наргис ва дигар шахсони масъул баромад намуда, озмунҳои “ Илм - фурӯғи маърифат”,“Тоҷикистон – Ватани азизи ман”, “ Фурӯғи субҳи доноӣ китоб аст”, пешгирии ҷавонон аз хатарҳои террористиву экстремистӣ, пешгирии пошхӯрии оилаҳои ҷавонро мавриди муҳокима қарор доданд.
