ЛЕВАКАНТ. Вохӯрии навбатии кормандони Кумитаи иҷроияи Ҳизби Халқии Демократии Тоҷикистон дар шаҳри Левакант дар ҳайати раиси Кумитаи иҷроияи ҲХДТ дар шаҳр Ватанзода Сайҷаъфар Ватан ва мудири шуъбаи таблиғот, иттилоот ва матбуоти Кумита иҷроияи ҲХДТ дар шаҳр Валиев Суҳроб бо сокинони кӯчаи ба номи Зебонисо баргузор гардид.
Зимни вохӯрӣ дар баробари ташвиқу тарғиби самтҳои афзалиятноки фаъолияти ҲХДТ, инчунин оид ба суханронии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони ҷомеаи кишвар, аз ҷумла оид ба фазилатҳои неки моҳи шарифи Рамазон, эҳтироми якдигар, раҳму шафқат ва кӯмак намудан ба эҳтиёҷмандону камбизоатон, баҳри таъмини волоияти қонун, пешгирии ҳамагуна ҷинояткорию қонуншиканиҳо, ҳифзи муқаддасоти миллӣ, боло гузоштани манфиати давлат, таъсири тағйирёбии иқлим, инчунин дигар масъалаҳои мубрами рӯз андешаронӣ карданд.
