КӮЛОБ. Дар ташкилоти ибтидоии ҳизбии “Филиали сохтмони асосии шаҳр” бо аъзо ва ҷонибдорони ҲХДТ бахшида ба фарорасии 21-солагии Рӯзи Ваҳдати миллӣ мулоқот баргузор гардид.
Зимни мулоқот раиси Кумитаи иҷроияи ҲХДТ дар шаҳри Кӯлоб Валиева Саъбагул ва роҳбари ташкилоти ибтидоии ҳизбии “Филиали сохтмони асосии шаҳр” Бобоев Аскар иштирок ва суханронӣ намуданд.
Зимнан, Саъбагул Валиева қайд дошт, ки Ваҳдати миллии тоҷикон ганҷи бебаҳоест, ки бо ранҷу машаққати зиёд ва гузашта аз он, дар натиҷаи ҷонбозиву қурбониҳои ҳазорон нафар фарзандони фидоии миллат ба даст омадааст. Аз ин рӯ, мо вазифадорем, ки барои татбиқи ғояҳои Ваҳдати миллӣ ва пойдории он талош карда, бо мақсади эҳёву пойдории арзишҳои миллӣ ва тавсеаи тафаккури давлатдории миллиамон, ки асоси пешрафти Тоҷикистони азиз мебошад, сарҷамъона кору фаъолият намоем.
Дар идомаи суҳбат Бобоев Аскар баромад намуда, изҳор кард, ки Ваҳдати миллӣ воқеан, яке аз ҷашнҳои таърихӣ барои халқи азизи мо бисёр муҳим мебошад, зеро он давлати ҷавону соҳибистиқлоли тоҷиконро аз хатари нобудӣ ва миллатро аз парокандагӣ раҳо намуд ва ибтидои раванди барқарорсозии харобиҳои ҷанги таҳмилӣ ва созандагии Ватани маҳбубамон гардид.
