ҲАМАДОНӢ. Вохӯрии кормандони Кумитаи иҷроияи ҲХДТ дар ноҳияи Мир Сайид Алии Ҳамадонӣ бо аъзои фаъоли намояндагии ТҶҶ “ Созандагони Ватан” дар муассисаи таҳсилоти миёнаи № 1 баргузор гардид.
Мудири шуъбаи таблиғот, иттилооти Кумитаи иҷроия Гадоӣ Сайдалиев қайд кард, ки ба хотири боз ҳам бештар ба омӯзиши илмҳои риёзиву дақиқ ва табиӣ ҷалб кардани наврасону ҷавонон, олимону муҳаққиқон ва устодону омӯзгорон ҳамасола озмуни ҷумҳуриявӣ зери унвони “ Илм фурӯғи маърифат “ гузаронида мешавад.
Ҳадафи Роҳбари давлат аз эълон кардани ин озмунҳо (Илм фурӯғи маърифат) , “ Тоҷикистон-Ватани азизи ман!”, “ Фурӯғи субҳи доноӣ китоб аст”, баланд бардоштани сатҳу саводи маърифатнокии мардум ва дар навбати аввал, наврасону ҷавонон, тақвияти ҳисси миллӣ, ватандӯстиву ватанпарварӣ, ҳувияти миллӣ, арҷгузорӣ ва омӯхтани забон, таърих, фарҳанги бостонии тоҷикон, тавсеаи доираи донишу ҷаҳонбинии илмиву техникӣ ва рушди илмҳои дақиқу табиӣ дар кишвар мебошад.
