ВОСЕЪ. Вохӯрии навбатии кормандони Кумитаи иҷроияи ҲХДТ дар ноҳияи Восеъ дар муассисаи таҳсилоти миёнаи умумии №11-и ҷамоати деҳоти Тугарак бо омӯзгорону хонандагони синфҳои болоӣ баргузор гардид.
Масъулин дар вохӯрӣ оид ба эълон гардидани соли 2018 дар кишвар ҳамчун Соли рушди сайёҳӣ ва ҳунарҳои мардумӣ, самтҳои афзалиятноки фаъолияти ҲХДТ, тарғиби тарзи ҳаёти солим, пешгирӣ аз бемориҳои сироятӣ, рушди ҳунарҳои мардумӣ, ихтироот ва риояи талаботи қонунҳои миллӣ, пешгирӣ аз шомилшавӣ ба ҳизбу ҳаракатҳои ифротӣ, тарғиби фарҳанги миллӣ, пешгирӣ аз хурофоту бегонапарастӣ ва дигар масъалаҳои мубрами рӯз суханронӣ намуда, аз иштирокдорон баҳри андешидани чораҳои зарурӣ дар ин самт ва таҳсили хонандагон бо баҳои хубу аъло ва ахлоқи намунавӣ даъват ба амал оварданд.
