ВОСЕЪ. Бо мақсади тарбия намудани ҷавонон дар рӯҳияи ватандӯстӣ, хештаншиносӣ, пешгирии шомилшавии онҳо ба ҳар гуна ҳизбҳои ифротӣ ва ҷалби бештари ҷавонон барои иштирок дар раванди созанагиву бунёдкории кишвар дар толори Кумитаи иҷроияи ҲХДТ дар ноҳияи Восеъ дарси якуми курси омӯзишии “Созандагони Ватан” оғоз гардид.
Курси мазкур бо иштироки раиси Кумитаи иҷроияи ҲХДТ дар ноҳияи Восеъ Сафар Ҳафиза Раззоқ оғоз гардида, ба шунавандагони курс дар мавзӯи “Истифодаи самараноки технологияҳои муосир баҳри ноил гардидан ба муваффақияти фардӣ” дарси сиёсӣ гузаронида шуд.
