ВАХШ. Дирӯз дар Ҷамоати деҳоти Ваҳдати ноҳияи Вахш, вохӯрии номзадҳо аз ҲХДТ, ҲИИТ ва ҲАТ ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Вахш №32 бо интихобкунандагон доир гардид.
Раиси Кумитаи иҷроияи ҲХДТ дар ноҳияи Вахш Одилљон Маҳмадов ва аъзои Ситоди пешазинтихоботӣ ба ҳозирин номзадҳоро муаррифӣ намуда, доир ба Барномаҳои пешазинтихоботии онҳо ба самъи иштирокдорон расонида шуд. Барномаи пешазинтихоботии номзад аз ҲХДТ Абдусаломзода Мунаввар Алиакбар аз тарафи шахси боэътимоди номзад, муаррифӣ гардида, дар самти сиёсатӣ иҷтимоӣ, фарҳанг ва иттилоот, гендерӣ, оила ва андешидани чораҳо дар самти таъмини амнияти озуқаворӣ, инчунин дастрасии аҳолӣ ба ғизои хушсифат изҳори андеша намуда, даъват ба амал оварданд, ки дар корҳои созандагиву бунёдкорӣ баҳри пешрафт ва рушди кишвар, мусоидат кардан ба саноатикунонии босуръати кишвар саҳмгузор бошем.
