ЛЕВАКАНТ. Бо мақсади баргузории вохӯрию мулоқотҳо байни таълимгирандагони муассисаҳои таълимӣ оид ба рукнҳои таълиму тарбия ва танзими анъана ва ҷашну маросимҳо дар муассисаи таҳсилоти миёнаи умумии №3-и ҷамоати деҳоти Ваҳдат вохӯрӣ бо хонандагони синфҳои болоӣ доир гардид.
Зимни суҳбат аз ҷониби масъулини Кумитаи иҷроия ба хонандагон оид ба Қонунҳои амалкунандаи Ҷумҳурии Тоҷикистон “Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросим дар Ҷумҳурии Тоҷикистон», моҳияти хизмат дар сафи Артиши миллӣ, содиқона ба Ватан хизмат намудан нишонаи ватандӯстӣ, пӯшидани сару либоси ба фарҳанги миллии мо бегона, пешгирии ҷавонон ба ҳизбу ҳаракатҳои тундрав, аз қабили экстремизм - терроризм, аз шабакаҳои интернетӣ эҳтиёткорона истифода бурдани телефонҳои мобилӣ бештар ба китобхонию касбомӯзӣ машғул гардидан, ҷалби хонандагон дар вақтҳои холигӣ бо мутолиаи китобҳо пешниҳодҳои муфид доданд.
