БОХТАР. Дирӯз узви Раёсати Кумитаи иҷрояи ҲХДТ дар шаҳри Бохтар, раиси шаҳр Саломзода Сиҷоуддин аз шароити кории кормандони Кумитаи иҷроия дидан намуда, бо онҳо ҳамсуҳбат шуд.
Ҳамзамон дар вохӯрии мазкур дигар аъзои раёсати Кумитаи иҷроияи шаҳрӣ низ иштирок дошта, зимни вохӯрӣ Саломзода Сиҷоуддин доир ба ҳадафҳои барномавии ҲХДТ, зери назорати ҳизбӣ иҷрои дастуру супоришҳои Асосгузори сулҳу ваҳдати миллӣ - Пешвои миллат, Раиси муаззами ҲХДТ муҳтарам Эмомалӣ Раҳмон, баргузории вохӯриву суҳбатҳо бо сокинон, пешгирии ҷавонон аз шомилшавӣ ба ҳизбу ҳаракатҳои иртиҷоӣ, коҳиш додани сатҳи ҷинояту ҷинояткорӣ миёни занону бонувон ва наврасону ҷавонон, дастгирии кадрҳои болаёқати ҷавон, бурдани корҳои фаҳмондаҳидӣ миёни аҳолӣ, ҷалби шаҳрвандон ба корҳои созандагиву ободонӣ ва ғайра мубодилаи афкор намуд.
