КӮЛОБ. Дар асоси нақшаи чорабиниҳо дар самти тарбияи ҳарбӣ – ватандӯстии ҷавонон ва ихтиёран сафарбар гардидан ба хизмати ҳарбӣ масъулини Кумитаи иҷроияи ҲХДТ дар шаҳри Кӯлоб дар муассисаҳои таҳсилоти миёнаи умумӣ ва олии касбӣ хонишҳои сиёсӣ баргузор гардида истодааст.
Мулоқот бо иштироки масъулини Кумитаи иҷроияи ҲХДТ дар шаҳри Кӯлоб Таварзода Азизҷон бо хонандагони синфҳои болоии МТМУ №1 доир гардид. Зимни баргузории вохӯрӣ масъулин ҷавононро оид ба дастгириҳои Пешвои миллат нисбат ба ҷавонон, ҳамзамон барои ҳифз намудани ҳама арзишҳои Истиқлолияти давлатӣ, тарбияи ҳарбӣ-ватандӯстии ҷавонон даъват ба амал оварданд.
