НОРАК. Оид ба таҳкими низоми ҳаракати ҳизб бо иштироки кормандони масъули Кумитаи иҷроияи ҲХДТ дар шаҳри Норак ва раисони ташкилотҳои ибтидоии ҳизбӣ дар толори Кумитаи иҷроияи шаҳрӣ семинар-машварати дастурдиҳӣ дар сатҳи баланд баргузор гардида, ба роҳбарони ташкилотҳои ибтидоии ҳизбӣ дастурамали «Роҳнамо барои ташкилотҳои ибтидоии ҳизбӣ» барои корбарӣ дастрас карда шуд.
Дар семинар-машварати ҳизбӣ моҳияти “Роҳнамо барои ташкилотҳои ибтидоии ҳизбӣ” ба таври муфассал шарҳу тавзеҳ дода шуда, аз ҷониби намояндагони ҳизбӣ барои ҷоннок кардани фаъолияти ҳизбӣ, ба тартиб овардани ҳуҷҷатгузориҳои ташкилотҳои ибтидоӣ, қабули аъзои ҳизб аз ҳисоби шахсони бомаърифат ва дигар паҳлуҳои фаъолияти ҳизбӣ ба шахсони масъули ташкилотҳои ибтидоӣ дастуру супоришҳо дода шуд.
