МУЪМИНОБОД. Бо мақсади саҳм гузоштан дар ободу зебо гардонидани як гӯшаи диёр бо ташаббуси Кумитаи иҷроияи ҲХДТ дар ноҳияи Муъминобод бо дастгирии аъзои ташкилотҳои ибтидоии “Хоҷагии ҷангал” ва “Бахши ҷавонон” дар шоҳроҳи деҳоти Чилдухтарон корҳои ободонӣ баргузор карда шуд.
Дар ин чорабинӣ раиси Кумитаи иҷроияи ҲХДТ дар ноҳия Салоҳиддин Мирзобаротзода, раисони ташкилотҳои ибтидоии мазкур, мудири шуъбаи кор бо ҷавонон Раҷабов Абдулло роҳбари намояндагии ТҶҶ «Созандагони Ватан», ҷавонону фаъолони ҳизб иштироки фаъолона намуда, 3000 бех дарахтони мевадиҳанда ва сояафканро шинониданд. Чунин иқдомҳои неку созанда дар ноҳияи Муъминобод бомаром идома доранд.
