ҶАЙҲУН. Бо ташаббуси масъулини Кумитаи иҷроияи ҲХДТ дар ноҳияи Ҷайҳун дар ҳамдастӣ бо Мақомоти иҷроияи маҳаллии ҳокимияти давлатии ноҳияи Ҷайҳун ва ташкилоти ибтидоии ҳизбии “Кумитаи варзишӣ” дар майдони варзишӣ ва Боғи фарҳангӣ - фароғатии ноҳияи Ҷайҳун Фестивали «Бозиҳои миллӣ» байни муҳассилини муассисаҳои таълимии ноҳия баргузор гардид. Мақсади ин чорабинӣ эҳё намудани бозиҳои миллии ниёгон, тарбия намудани хонандагону наврасон дар руҳияи эҳтироми мероси ниёгон ва истиқболи Иди Наврӯзи байналмилалӣ буда, дар он тамоми муассисаҳои таълимии ноҳия ширкат намуда, бозиҳои миллӣ аз рӯи намудҳои гунон, «Бандкашӣ», «Гӯштин», «Чиллакбозӣ» «Ланка», «Хурӯсбозӣ» ва “пойгаҳ” (давидан) маҳорату малакаи худро нишон доданд.
