А.ҶОМӢ. Вохӯрии вакили Маҷлиси намояндагони Маҷлиси Олии Ҷумҳурии Тоҷикистон Ашӯрзода Гулбаҳор Сангилло аз ҳавзаи якмандатии Абдураҳмони Ҷомӣ-28 бо интихобкунандагони ҷамоатҳои деҳоти 50- солагии Тоҷикистон ва ба номи Қадриддин Ғиёсови ноҳияи Абдураҳмони Ҷомӣ ҷиҳати шарҳу тавзеҳи Паёми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир гардид.
Дар вохӯрии мазкур аз ҷониби вакили мардумӣ Ашӯрзода Гулбаҳор Сангилло ва ҳамчунон Муҳаммаддовуд Ҳалимзода раиси Кумитаи иҷроияи ҲХДТ дар ноҳияи Абдураҳмони Ҷомӣ самтҳои асосии Паём шарҳу тавзеҳ дода шуд. Инчунин, аз тарафи интихобкунандагон пешниҳоду таклифҳо роҷеъ ба як қатор мушкилотҳои ҷойдошта муроҷиат карда шуда, ба онҳо посухҳои қаноатбахш дода шуд.
Дар фарҷоми вохӯрӣ даъват ба амал оварда шуд, ки барои сазовор таҷлил намудани Наврӯзи байналмилалӣ ва 30-солагии Истиқлолияти давлатии Ҷумҳурии Тоҷикистон бо ҳисси баланди ватандӯстӣ дар корҳои созандагиву бунёдкорӣ саҳмгузор бошем.
