КӮЛОБ. Дар толори Кумитаи иҷроияи ҲХДТ дар шаҳри Кӯлоб бо иштироки як қатор роҳбарон ва котибони ташкилотҳои ибтидоии ҳизбӣ семинар – машварати омӯзишию дастурдиҳӣ баргузор карда шуд.
Зимни он раиси Кумитаи иҷроияи ҲХДТ дар шаҳри Кӯлоб Шарифзода Гулрухсор баромад намуда, изҳор дошт, ки мо ҳизбиёнро зарур аст то фаъолиятамонро низомнок ба роҳ монда, ҷиҳати боз ҳам баланд бардоштани мавқеи ҳизб дар ҷомеа ҳамеша талош намоем.
Дар идома аз ҷониби муовини раиси Кумитаи иҷроияи ҲХДТ дар шаҳри Кӯлоб Саймуминзода Фирӯз дар доираи китоби “Роҳнамо барои ташкилотҳои ибтидоии ҳизбӣ” оид ба дуруст ба роҳ мондани фаъолияти ташкилоти ибтидоӣ суҳбат гузаронида шуд.
Семинари мазкур бо саволу ҷавоб миёни иштирокдорон ба охир расид.
Бояд гуфт, семинари мазкур тӯли як ҳафта идома ёфта, дар доираи он марҳила ба марҳила байни роҳбарон ва котибони 250 ташкилотҳои ибтидоии ҳизбии шаҳри Кӯлоб гузаронида мешавад.
