ВОСЕЪ. Дар ташкилоти ибтидоии ҳизбии «Интернати №1»-и ҷамоати деҳоти М.Маҳмадалии ноҳияи Восеъ бо иштироки раиси Кумитаи иҷроияи ҲХДТ дар ноҳияи Восеъ Сафар Ҳафиза Раззоқ вохӯрӣ баргузор гардид.
Зимни вохӯрӣ мавсуф ҳамаи омӯзгорони ташкилоти ибтидоии номбурдаро бо омадомади Наврӯзи байналмилалӣ табрик намуда, доир ба масъалаҳои мубрами рӯз, аз қабили таълиму тарбияи ҷавонону наврасон дар рӯҳияи хештаншиносӣ, пешгирии шомилшавии ҷавонон ба ҳар гуна ҳизбҳои ифротӣ, сарфакорона истифода бурдани неруи барқ ва самаранок истифода намудани заминҳои наздиҳавлигӣ ибрози ақида намуд.
Дар навбати худ омӯзгорони ташкилоти ибтидоии ҳизбии «Интернати №1» қайд намуданд, ки барои дар амал татбиқ намудани масъалаҳои дар боло зикргардида кӯшиш ба харҷ медиҳанд ва баҳри ободии Ватан ва таъмини зиндагии шоистаи хеш ҳамчун шахсони масъул ва аъзои фаъоли ҲХДТ саҳми худро мегузоранд.
