ҶАЙҲУН. Бо иштироки гурӯҳи тарғиботӣ ҷиҳати шарҳу тавзеҳи нуктаҳои асосии Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва сарфакорона истифодабарии нерӯи барқ мулоқоту вохӯрӣ бо сокинони деҳаҳои Ҳомиён, Меҳнатобод ва Панҷшери Ҷамоати деҳоти Қумсангир баргузор гардид.
Зимни вохӯрӣ раиси Кумитаи иҷроияи ҲХДТ дар ноҳияи Ҷайҳун Ҳасанзода Тағоймурод дар бораи сарфакорона ва самаранок истифодабарии қувваи барқ ва пардохти саривақтии маблағи он, оқилона истифода бурдани заминҳои президентӣ ва наздиҳавлигӣ, иштирок дар маъракаҳои кабудизоркунӣ ва вусъат бахшидан ба корҳои ободонию созандагӣ бахшида ба ҷашни 30-солагии Истиқлолияти давлатии Ҷумҳурии Тоҷикистон, суҳбату мулоқот намуданд.
