ФАРХОР. Масъулини Кумитаи иҷроияи ҲХДТ дар ноҳияи Фархор дар якҷоягӣ бо волонтёрон ва аъзои намояндагии ТҶҶ “Созандагони Ватан” оид ба пешгирии паҳншавии эпидемияи нави коронавируси COVID - 19 ва самаранок истифодабарии заминҳои наздиҳавлигӣ дар Ҷамоати шаҳраки Фархор дар доираи Аксияи ҳизбии “Солимии миллат- боигарии давлат” гардиш доир намуданд.
Зимнан намояндагони ҳизбӣ ба сокинон маводҳои таблиғотӣ оид ба пешгирии коронавирус, истифодаи самараноки заминҳои наздиҳавлигӣ, ниқобҳои муҳофизатӣ ва маводҳои безараргардониро дастрас карда, таъкид намуданд, ки тавсияҳои табибонро барои пешгирии коронавирус ҳатман риоя намоянд.
