КӮШОНИЁН. Дирӯз, тибқи реҷаи кории Маҷлиси намояндагони Маҷлиси Олии Ҷумҳурии Тоҷикистон дар Мақомоти иҷроияи ҳокимияти давлатии ноҳияи Кӯшониён бо мақсади шарҳу тавзеҳи Паёми имсолаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти Раёсати Вализода Икромиддин Сироҷиддин раиси ноҳия вохӯрии Холиқзода Абдураҳим ва Шодиён Муҳаммад Султонзода вакилони Маҷлиси намояндагони Маҷлиси Олии Ҷумҳурии Тоҷикистон бо фаъолони ноҳия баргузор гардид.
Дар вохӯрӣ тамоми нуктаҳои асосии Паёми навбатии Пешвои муззами миллат мавриди баррасӣ қарор гирифта, ҳамзамон аз тарафи вакилон қайд карда шуд, ки баҳри иҷрои тамоми дастуру супоришҳои Сарвари давлат, ки дар Паёми хеш дарҷ гардидааст, тамоми кӯшишу ғайрати худро ба истиқболи 30-солагии Истиқлолияти давлатии Ҷумҳурии Тоҷикистон баҳри пешрафт ва ободонию созандагии Ватани азизамон равона намоем.
