ЛЕВАКАНТ. Бахшида ба таҷлили Наврӯзи байналмилалӣ ва 30-солагии Истиқлолияти давлатии Ҷумҳурии Тоҷикистон, қонунҳои Ҷумҳурии Тоҷикистон «Дар бораи маориф», «Дар бораи танзими анъана ва ҷашну маросим дар Ҷумҳурии Тоҷикистон» дар муассисаи таҳсилоти миёнаи умумии № 1-и шаҳри Левакант озмуни «Маликаи Наврӯз - 2021» баргузор гардид.
Дар озмуни мазкур хонандагони синфҳои болоии муассисаҳои шаҳр иштирок варзиданд. Мақсад аз ташкил ва гузаронидани озмун- ин дар амал татбиқ намудани сиёсати давлатӣ дар соҳаи маориф, эҳё намудани ҳунарҳои миллӣ дар байни наврасон ва донистани тарзи гузаронидани ҷашну маросимҳои миллӣ, урфу анъанаҳои гузаштагон мебошад.
Ҳайати ҳакамон намояндагони Мақомоти иҷроияи ҳокимияти давлатии шаҳр, бахши маориф ва Кумитаи иҷроияи ҲХДТ дар шаҳр иштирокдорони озмунро баҳои баланд дода, ғолибонро бо Сипоснома ва туҳфаҳои хотиравӣ қадрдонӣ намуданд.
