Ҷ.БАЛХӢ. Бо мақсади шаҳру тавзеҳи нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар маҳаллаи Коммунистии Ҷамоати деҳоти Халеварди ноҳияи Ҷалолиддини Балхӣ бо иштироки кормандни масъули Кумитаи иҷроия дар ноҳия вохӯрии навбатӣ гузаронида шуд.
Зимни баромад масъулин оид ба истифодаи самараноки заминҳои корам, фаъол гардонидани шаҳрвандон ба корҳои хоҷагидорию кишоварзӣ ва корҳои хонагию ҳунарҳои мардумӣ ба хотири паст кардани шиддати бекорӣ ва фаро гирифтани сокинон бо шуғл, вазифаи шаҳрвандон дар самти мубориза бар зидди коррупсия ва риояи Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” суханронӣ намуда, сокинонро барои сазовор ҷашн гирифтани 30- солагии Истиқлолияти давлатӣ, саҳм гузоштан дар корҳои созандагию ободонӣ раҳнамоӣ намуданд.
