ҚУБОДИЁН. Бо ташаббус ва дастгирии раиси Кумитаи иҷроияи ҲХДТ дар ноҳияи Қубодиён Шарифзода Маҳмадаюб бахшида ба 30-солагии Истиқлолияти давлатии Ҷумҳурии Тоҷикистон дар доираи Аксияи ҳизбӣ таҳти унвони “Якҷоя месозем!” дар деҳаи Зиракии Ҷамоати деҳоти ба номи Ишмурод Ниёзов сохтмони Бунгоҳи тиббӣ ва таваллудхона ҷараён дорад. Ин иқдоми неки ҳизбиёнро шахсони саховатманду хайрхоҳ дастгирӣ карда, дар сохтмону ба истифода додани ин иншооти ҷашнӣ саҳми худро гузошта истодаанд.
Бояд қайд кард, ки маъракаи созандагӣ дар ноҳияи Қубодиён бомаром идома дошта, мардуми шарифи ноҳияи бостонии Қубодиён суханони Пешвои муаззами миллатро сармашқи кори худ дониста, барои ободонии Ватани азизамон камари ҳиммат бастаанд.
