ЁВОН. Дар ташкилоти ибтидоии ҳизбии «Ориё»-и Ҷамоати деҳоти Даҳана бахшида ба ҷашни байналмиллалии Наврӯз ва истиқболи ҷашни 30-солагии Истиқлолияти давлатии Ҷумҳурии Тоҷикистон дар доираи Аксияи ҳизбӣ таҳти унвони «Якҷоя месозем!» мардуми деҳаи Даҳана сарҷаъмона ба ҳашари умумӣ баромада, гирду атрофи маҳали зисти худро ободу зебо намуда, ҳар гуна гулҳои ороишӣ ва дарахтони ҳамешасабзро шинониданд. Ҳамзамон, заминҳое, ки солҳои зиёд бо сабаби зироатҳои худрӯй ва ҳар гуна хору хас аз кор монда буд, тозаву озода карда шуданд. Сокинони деҳаи Даҳана тасмим гирифтаанд, ки қисмати боқимондаи роҳраву кӯчаҳоро то ҷашни байналмиллалии Наврӯз тозаву озода намуда, ин ҷашни бошукӯҳро дар сатҳи баланд таҷлил намоянд.
