ВОСЕЪ. Дар ҷамъомади ташкилоти ибтидоии ҳизбии “Беморхонаи №5” бахшида ба “Рӯзи Модар” кормандони Кумитаи иҷроияи ҲХДТ дар ноҳияи Восеъ иштирок намуда, занони фаъолро бо сипоснома ва туҳфаҳои ҳизбӣ қадрдонӣ намуданд.
Бояд қайд намуд, ки аксарияти кормандони ташкилоти ибтидоии ҳизбии Беморхонаи №5-ро занон ташкил дода, дар ҳамаи чорабиниҳои ҳизбӣ фаъол мебошанд. Сипас, намояндагони ҳизбӣ ба муносибати “Рӯзи Модар” ҳамаи кормандони ташкилоти ибтидоиро табрику муборакбод гуфта, барои эҳсоси масъулияти касбӣ миннатдорӣ баён карданд. Фаъолияти пурсамари онҳоро дар соҳаи тандурустӣ, хусусан пешгирии бемориҳои сироятӣ қайд карда, барои эҳсоси масъулият ва иҷрои вазифаҳои касбӣ таъкид намуданд.
