Ҷ.БАЛХӢ. Бахшида ба “Рӯзи Модар” бо ташаббуси Кумитаи иҷроияи ҲХДТ дар ноҳияи Ҷалолиддини Балхӣ ва ҷалби волонтёрони назди Кумитаи иҷроия дар ноҳия аёдати модарони собиқадори меҳнат, фаъолони ҳизбӣ гузаронида шуда, онҳоро ба муносибати “Рӯзи Модар” ва фарорасии фасли баҳори нозанин табрик намуданд. Зимни суҳбат намояндагони ҳизбӣ бо модарони собиқадор аз фаъолияти пурсамари меҳнатӣ, нақши онҳо дар корҳои ободонию созандагӣ пурсон гардида, ба онҳо миннатдории худро барои меҳнати пурсамарашон баён доштанд.
