Ҷ.БАЛХӢ. Бахшида ба “Рӯзи Модар” дар кӯчаю хиёбонҳои марказии ноҳияи Ҷалолиддини Балхӣ бо ташаббуси Кумитаи иҷроияи ҲХДТ дар ноҳия бо ҷалби волонтёрони назди Кумитаи иҷроия дар ноҳия Аксияи ҳизбӣ таҳти унвони “Модари меҳрубони ман!” баргузор гардид.
Дар чорабинии доиргардида, намояндагони ҳизбӣ сокинони ноҳияро, аз ҷумла занону модарони гиромиқадрро бо Рӯзи Модар табрику шодбош гуфта, ба онҳо гулҳои рангоранги тарзу тоза тақдим карданд. Аз ин иқдоми пешгирифтаи Кумитаи иҷроияи ноҳиявии ҳизб сокинон руҳбаланд гардида, миннатдории хешро ба ташкилкунандагони Аксияи ҳизбӣ изҳор доштанд.
