КӮЛОБ. Бахшида ба Рӯзи Модар дар ташкилоти ибтидоии ҳизбии “Хонаи бахт” чорабинии фарҳангӣ- сиёсӣ баргузор карда шуд. Зимни чорабинӣ раиси ташкилоти ибтидоии ҳизбии “Хонаи бахт”, мудири шуъбаи САҲШ-и шаҳри Кӯлоб Иброҳимзода Мумина, вакили Маҷлиси вакилони халқи шаҳри Кӯлоб, корманди масъули ҳизбӣ Валиева Саъбагул, собиқадорони меҳнат Маҷидова Кенҷамо, Комилова Шафоатбону, Камолова Қаламниссо, мудири бахши кор бо занони МИҲД-и шаҳри Кӯлоб Нозимова Фаришта ва дигар шахсони расмӣ ҳузур доштанд.
Дар чорабинӣ намоиши ҳунарҳои мардумӣ ва дастархони миллӣ ороста шуда, ба маърази тамошо гузошта шуд.
Ҳамзамон дар рафти ҳамоиш ба ду ҷуфт дугоник шаҳодатномаҳои таваллудашон дар фазои тантанавӣ аз ҷониби занони рӯзгордида тақдим гардида, ба онҳо дуои нек дода шуд.
