ҶАЙҲУН. Бо ташаббуси Кумитаи иҷроияи ҲХДТ дар ноҳияи Ҷайҳун дар ташкилоти ибтидоии «Ҳифзи иҷтимоӣ» чорабинии таблиғотии ҳизбӣ дар мавзӯъи чораандешӣ ҷиҳати дар миёни аҳолӣ ба вуҷуд овардани ҳисси муқовимат бо коррупсия ҳамчун омили хатарнок бо иштироки мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Ҷайҳун Фарҳод Обидов вохӯрӣ баргузор гардид.
Дар рафти вохӯрӣ Фарҳод Обидов оид ба масъалаи ба миёнгузошташуда муфассал суханронӣ намуда, аз ҷумла қайд намуд, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар яке аз суханрониҳояшон ба аҳли ҷамоатчигӣ таъкид намуда, иброз карданд, ки мубориза бар зидди амалҳои коррупсионӣ солҳои охир дар кишвари мо заминаҳои дахлдори ҳуқуқӣ ва ташкилӣ муҳайё карда шудаанд, вале ҷиҳати паст намудани шиддати омилҳои коррупсионӣ зарур аст, ки иштироки боз ҳам фаъолтари ҷомеаи шаҳрвандӣ дар ин самт таъмин гардида, нисбат ба амалҳои коррупсионӣ фазои воқеан оштинопазир фароҳам оварда шавад.
Пас моро зарур аст, ки бар зидди ин падидаи номатлуб муборизаро қавӣ намуда, дар таҳкими мафкураи зиддикорупсионӣ саҳмгузор бошем.
