ХОВАЛИНГ. Дар ташкилоти ибтидоии ҳизбии “Омор” ҷаласаи васеи кормандон гузаронида шуд, ки дар он Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон мавриди омӯзиш ва баҳрабардорӣ қарор дода шуд.
Дар маҷлис раиси ташкилоти ибтидоии ҳизбии “Омор” Наврӯз Бадриддинов ва мудири шуъбаи ҷавонон ва занони Кумитаи иҷроияи ҲХДТ дар ноҳия Исфандиёр Саидмаҳмудов баромад намуда, ба ҳозирин дар бораи Паём маълумоти муфассал доданд. Ҳамчунин онҳо дар асоси дастуру супоришҳое, ки аз ин ҳуҷҷати муҳими ояндасоз бармеояд, ҷамъомадагонро ба иҷрои корҳои созандагию бунёдкорӣ ба ифтихори 30 - солагии Истиқлолияти давлатии Ҷумҳурии Тоҷикистон даъват ва ҳидоят намуданд.
