КӮЛОБ. Вобаста ба пешвозгирии 30-солагии Истиқлолияти давлатии Ҷумҳурии Тоҷикистон корҳои сарсабзу хуррамгардонӣ дар тамоми гӯшаву канори шаҳри Кӯлоб вусъати тоза касб кардааст.
Бо назардошти талаботи замони муосир аз ҷониби аъзо ва ҷонибдорони ташкилоти ибтидоии ҳизбии “Ниҳолпарвар” дар ҳар гӯшаву канори шаҳри Кӯлоб ниҳоли дарахтони сояафкан, мевадиҳандаву ороишӣ ва гулу гулбуттаҳо шинонида шуда истодаанд.
Ҳамзамон, бо истифода аз чунин боду ҳавои мусоид ҳизбиёни ташкилоти ибтидоии “Ниҳолпарвар” бехи дарахтонро нарм намуда, гирду атрофи гулу гулбуттаҳо ва дарахтонро аз ҳар гуна алафҳои бегона тоза карданд.
