ҶАЙҲУН. Тибқи нақшаи кории Кумитаи иҷроияи ҲХДТ дар ноҳияи Ҷайҳун вобаста ба тарғибу ташвиқи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” бо иштироки гурӯҳи тарғиботии ҳизбӣ дар Ҷамоати деҳоти Истиқлол дар деҳаи Махдумқулӣ вохӯрӣ баргузор гардид.
Инчунин, дар рафти чорабинии мазкур раиси Кумитаи иҷроияи ҲХДТ дар ноҳияи Ҷайҳун Ҳасанзода Тағоймурод доир ба самтҳои Паёми имсола андешаҳояшро иброз намуда, қайд кард, ки дар замони пуртазоди ҷаҳони мосир, яъне терроризму экстремизм, тафриқаандозию низоҳои динию мазҳабӣ, ташкил гардидани ташкилоту ҳизбҳои иғвоангез, ки дар Паём дарҷ гардид, моро зарур аст, ки ҳушёриву зиракии сиёсиро аз даст надода, нисбат ба шомил гардидани ҷавонон ба ҳар гуна ҳизбу созмонҳои манъшуда ва ҷалб шудани онҳо ба гурӯҳҳои террористию ифротгароӣ аз тариқи шабакаҳои интернетӣ пешгирӣ намоем. Ҳамчунин мавсуф дар идомаи сухан оид ба дастовардҳои замони Истиқлол ва фароҳам гардидани шароиту имкониятҳо нисбат ба даврони Шӯравӣ ёдовар шуда, аз ҳамагон даъват ба амал овард, ки наврасону ҷавонони имрӯзаро мебояд аз ин имкониятҳо самаранок истифода бурда, бештар илм омӯзанд, фанҳои дақиқу иттилоотиро мутолиа кунанд ва аз навгониҳои технологияи муосир бохабар гарданд.
