ВОСЕЪ. Бо мақсади саҳм гузоштан дар ободии як гӯшаи диёр ва сазовор ҷашн гирифтани 30-юмин солгарди Истиқлолияти давлатии Ҷумҳурии Тоҷикистон ҷиҳати дастгирии иқдоми неки Мақомоти иҷроияи ҳокимияти давлатии ноҳияи Восеъ дар Боғи фарҳангу фароғатии ноҳия ҳашари дастаҷамъона ташкил карда шуд.
Дар баробари кормандони Кумитаи иҷроияи Ҳизби Халқии Демократии Тоҷикистон дар ноҳияи Восеъ ба ин ҳашари дастаҷамъона ҷавонон аз Ташкилоти ҷамъиятии ҷавонон «Созандагони Ватан», раисони ташкилотҳои ибтидоии ноҳия ва аъзои фаъоли ҲХДТ баромаданд.
Онҳо дар ин ҳашари дастаҷамъона роҳраву ҷӯйборҳоро аз хазону дигар алафҳои бегона тоза намуда, дарахтони ороишӣ ва ҳамешасабзро шинонида, заминҳои боғро нарм карданд.
Бояд гуфт, ки сокинони меҳнатдӯсти ноҳия чунини шанбегиҳоро баҳри ободии диёр дар оянда низ ба роҳ мемонанд.
