ФАРХОР. Масъулини Кумитаи иҷроияи ҲХДТ дар ноҳияи Фархор оид ба пешгирии паҳншавии бемории коронавирус ва самаранок истифодабарии заминҳои наздиҳавлигӣ бо усули «хона ба хона» дар ҳудуди кӯчаҳои ноҳия гардиш доир намуданд.
Зимни суҳбат бо сокинон ба онҳо маводҳои таблиғотӣ оид ба пешгирии коронавирус, истифодаи самараноки заминҳои наздиҳавлигӣ ва мақсаднок истифодабарии қувваи барқ ва пардохти ҳатмии ҳаққи истифодашудаи он инчунин, ниқобҳои муҳофизатӣ тақсим карданд.
Ҳамзамон, бо назардошти вазъияти баамаломадаи ҷаҳони муосир, ки Пешвои миллат дар Паёмашон иброз доштанд, аҳамияти истифодаи самараноки заминҳои наздиҳавлигиро ба сокинон шарҳ доданд.
