ПАНҶ. Дар муассисаи таҳсилоти миёнаи умумии №12-и ноҳияи Панҷ бо омӯзгорон ҷиҳати шарҳу тавзеҳи нуктаҳои асосии Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ мулоқот ба роҳ монда шуд.
Дар баромади худ Файзизода Каримҷон раиси Кумитаи иҷроияи ноҳиявии ҳизб доир ба нишондиҳандаҳои иқтисодӣ, дастовардҳои назаррас, раванди босуръати саноатикунонии кишвар, арзишҳои фарҳангӣ, татбиқи сиёсати занон ва ҷавонон ва дигар самтҳо, ки дар Паём зикр гардидаанд, таваҷҷуҳ зоҳир намуд. Ҳамчунин мавсуф қайд кард, ки Паёми навбатии Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон раҳнамо ва дастури муҳим барои таъмини рушди устувори иқтисодиву иҷтимоӣ ва заминаи воқеӣ барои таъмини зиндагии шоистаи халқ маҳсуб меёбад.
